| 1 | Boire, manger et dormir nous convient ; Noz jours passent, jamais ung n'en revient ; Nostre doulx est tout confit en amer ; Contre ung plaisir ou un seul bien qui vient Le plus eureux cent fois triste devient. Ce n'est sens le monde trop amer, Et qui son cueur y mect faict a blasmer (MESCHIN., Lun. princes M.-G., c.1461-1465, 1). |
|
| 2 | Par ce moyen, il est permis Aler gayement par les boys Corner, chasser dains et connis, Oyr du rossignol la voix (...). Il n'est plaisir que par bon temps. (GAGUIN, Passe temps oisiv. T., 1489, 400). |
|
| 3 | De tant plus que Dieu et Nature Ont fait plaisir d'amours plus hault, Tant plus aspre en est la pointure Et plus desplaisant le deffault. Qui n'a froit n'a cure de chault ; L'un contraire est pour l'autre quis, Et ne scet nul que plaisir vault S'il ne l'a par doleur conquis. (CHART., B. Dame, 1424, 342). |
|
| 4 | LA PUCELLE. En ce siecle, jeune ne vieulx Ne sont pas en grant seureté ; De larmes sont souvent les yeulx Pleins poue ennuy de povreté ; Si on a joyeuseté, Il vient après une douleur ; Pour ung bien double adversité : Plaisir mondain finist en pleurs. (Danse macabre femmes H., p.1480, 76). |
|
| 5 | ...je vous pry, trechieres et tres amees suers, que vous ayez bon cuer et devot nonchalloir des foles plaisances de ce monde qui ont plus de meschiefs que de joye, et comme on seult dire : pour ung plaisir, quatre douleurs. (GERS., 1395-1398, Oeuvres complètes G., 420). |
|
